ທີ່ຕັ້ງ ແລະ ພາລະບົດບາດ

ຄະນະກຳມາທິການເພື່ອຄວາມກ້າວໜ້າຂອງແມ່ຍິງ, ແມ່ ແລະ ເດັກ ກະຊວງ, ອົງການລັດທຽບເທົ່າກະຊວງ ຂຽນຫຍໍ້: “ຄກມດ ກະຊວງ, ອົງການ”, ຂຽນເປັນພາສາອັງກິດ: Ministerial Commission for the Advancement of Women, Mothers and Children (MCAWMC) ແມ່ນການຈັດຕັ້ງຂອງລັດ ເປັນເສນາທິການໃຫ້ກະຊວງ, ອົງການ ໃນການຄົ້ນຄ້ວາ ຜັນຂະຫຍາຍ ນະໂຍບາຍຂອງພັກ, ນິຕິກຳ, ຍຸດທະສາດ, ແຜນດຳເນີນງານແຫ່ງຊາດ ແຕ່ລະໄລຍະ, ລວມທັງບັນດາສົນທິສັນຍາ, ສັນຍາ, ອະນຸສັນຍາ, ຖະແຫຼງການຂອງອາຊຽນ, ພາກພື້ນ ແລະ ສາກົນ ກ່ຽວ ກັບການສົ່ງເສີມຄວາມກ້າວໜ້າຂອງແມ່ຍິງ, ຄວາມສະເໝີພາບຍິງ-ຊາຍ, ການລຶບລ້າງທຸກຮູບແບບການຈຳແນກຕໍ່ ແມ່ຍິງ ແລະ ການໃຊ້ຄວາມຮຸນແຮງຕໍ່ແມ່ຍິງ ແລະ ເດັກ, ການສົ່ງເສີມ, ການພັດທະນາ, ການປົກປ້ອງ ແລະ ການມີ ສ່ວນຮ່ວມຂອງເດັກ ລວມທັງການປົກປ້ອງສິດ ແລະ ຜົນປະໂຫຍດຂອງແມ່ ແລະ ເດັກ ເພື່ອສ້າງເປັນ ເເຜນດຳເນີນ ງານ, ແຜນການ, ແຜນງານ, ໂຄງການ ຂອງ ຄກມດ ຂະແໜງການຕົນ ເພື່ອຈັດຕັ້ງປະຕິບັດ; ພ້ອມທັງຊຸກຍູ້, ຕິດຕາມ ແລະ ສະຫຼຸບລາຍງານວຽກງານດັ່ງກ່າວໃຫ້ ກະຊວງ/ອົງການ ແລະ ຄຊກມດ ເປັນແຕ່ລະໄລຍະ.

ໜ້າທີ່

ຄະນະກຳມາທິການເພື່ອຄວາມກ້າວໜ້າຂອງແມ່ຍິງ, ແມ່ ແລະ ເດັກ ກະຊວງ/ອົງການ ມີໜ້າທີ່ ດັ່ງນີ້:

1. ຄົ້ນຄວ້າ, ປະກອບຄຳເຫັນ ຕໍ່ນະໂຍບາຍ ນິຕິກຳ, ບັນດາສົນທິສັນຍາ, ສັນຍາ, ອະນຸສັນຍາ, ຖະແຫຼງການ ແລະ ເອກະສານອື່ນໆ ທີ່ກ່ຽວຂ້ອງກັບການສົ່ງເສີມຄວາມກ້າວໜ້າຂອງແມ່ຍິງ, ຄວາມສະເໝີພາບຍິງ-ຊາຍ ການລຶບລ້າງທຸກຮູບແບບການຈໍາແນກຕໍ່ແມ່ຍິງ ແລະ ການໃຊ້ຄວາມຮຸນແຮງຕໍ່ແມ່ຍິງ ແລະ ເດັກ; ການ ສົ່ງເສີມ, ການພັດທະນາ, ການປົກປ້ອງ ແລະ ການມີສ່ວນຮ່ວມຂອງເດັກ ລວມທັງການປົກປ້ອງສິດ ແລະ ຜົນປະໂຫຍດຂອງແມ່ ແລະ ເດັກ ເຂົ້າໃນກົດໝາຍ ແລະ ນິຕິກຳທີ່ກ່ຽວຂ້ອງຂອງພາກສ່ວນຕົນ;

2. ຜັນຂະຫຍາຍນິຕິກຳ, ວິໄສທັດ, ຍຸດທະສາດ, ແຜນດຳເນີນງານແຫ່ງຊາດ ທີ່ກ່ຽວຂ້ອງກັບການສົ່ງເສີມ ຄວາມກ້າວໜ້າຂອງແມ່ຍິງ, ຄວາມສະເໝີພາບຍິງ-ຊາຍ, ການລຶບລ້າງທຸກຮູບແບບການຈຳແນກຕໍ່ແມ່ຍິງ ແລະ ການໃຊ້ຄວາມຮຸນແຮງຕໍ່ແມ່ຍິງ ແລະ ເດັກ; ການສົ່ງເສີມ, ການພັດທະນາ, ການປົກປ້ອງ ແລະ ການ ມີສ່ວນຮ່ວມຂອງເດັກ ລວມທັງການປົກປ້ອງສິດ ແລະ ຜົນປະໂຫຍດຂອງແມ່ ແລະ ເດັກ ມາເປັນແຜນ ດຳເນີນງານ, ແຜນການ, ແຜນງານ, ໂຄງການ ແລະ ກິດຈະກຳ ຂອງ ຄກມດ ເພື່ອສະເໜີຕໍ່ກະຊວງ/ອົງ ການຕົນ ພິຈາລະນາ ແລະ ຮັບຮອງ; ພ້ອມທັງ ຊຸກຍູ້, ຈັດຕັ້ງປະຕິບັດ, ຕິດຕາມ, ກວດກາ, ປະເມີນຜົນ, ສະຫຼຸບ ຖອດຖອນບົດຮຽນ ແລະ ລາຍງານໃຫ້ການນຳຂັ້ນຂອງຕົນ ແລະ ຄຊກມດ ຕາມລະບຽບການ;

3. ປະສານສົມທົບກັບທຸກພາກສ່ວນທີ່ກ່ຽວຂ້ອງພາຍໃນຂະແໜງການຕົນ ຈັດຕັ້ງປະຕິບັດບັນດາສົນທິສັນຍາ, ສັນຍາ, ອະນຸສັນຍາ, ຖະແຫຼງການ ແລະ ເອກະສານອື່ນໆ ທີ່ກ່ຽວຂ້ອງກັບວຽກງານສົ່ງ ເສີມຄວາມ ກ້າວໜ້າຂອງແມ່ຍິງ, ຄວາມສະເໝີພາບຍິງ-ຊາຍ, ການລຶບລ້າງທຸກຮູບແບບການຈຳແນກຕໍ່ແມ່ຍິງ ແລະ ການໃຊ້ຄວາມຮຸນແຮງຕໍ່ແມ່ຍິງ ແລະ ເດັກ, ການສົ່ງເສີມ, ການພັດທະນາ, ການປົກປ້ອງ ແລະ ການມີ ສ່ວນຮ່ວມຂອງເດັກ ລວມທັງການປົກປ້ອງສິດ ແລະ ຜົນປະໂຫຍດ ຂອງແມ່ ແລະ ເດັກ; ພ້ອມທັງສະຫຼຸບ ລາຍງານເປັນແຕ່ລະໄລຍະ ໃຫ້ການນໍາຂັ້ນຂອງຕົນ ແລະ ຄຊກມດ ຕາມລະບຽບການ;

4. ຮັບ ແລະ ພິຈາລະນາ ຄຳສະເໜີຂອງບຸກຄົນ, ນິຕິບຸກຄົນ ຫຼື ການຈັດຕັ້ງໃນກະຊວງ/ອົງການ ຕົນ ກ່ຽວກັບ ວຽກງານຄວາມສະເໝີພາບຍິງ-ຊາຍ ແລະ ວຽກງານແມ່ ແລະ ເດັກ.

5. ໂຄສະນາເຜີຍແຜ່ບັນດານິຕິກຳສາກົນ, ພາກພື້ນ ແລະ ພາຍໃນ ລວມທັງຜົນການຈັດຕັ້ງປະຕິບັດວຽກງານ ສົ່ງເສີມຄວາມກ້າວໜ້າຂອງແມ່ຍິງ, ຄວາມສະເໝີພາບຍິງ-ຊາຍ, ການລຶບລ້າງທຸກຮູບແບບການຈຳແນກຕໍ່ ແມ່ຍິງ ແລະ ການໃຊ້ຄວາມຮຸນແຮງຕໍ່ແມ່ຍິງ ແລະ ເດັກ, ການສົ່ງເສີມ, ການພັດທະນາ, ການປົກປ້ອງ ແລະ ການມີສ່ວນຮ່ວມຂອງເດັກ ລວມທັງການປົກປ້ອງສິດ ແລະ ຜົນປະໂຫຍດ ຂອງແມ່ ແລະ ເດັກ;

6.  ສ້າງຖານຂໍ້ມູນ, ດຳເນີນການເຮັດບົດສໍາຫຼວດ, ບົດສຶກສາ ແລະ ບົດວິໄຈ ກ່ຽວກັບວຽກງານສົ່ງເສີມຄວາມ ກ້າວໜ້າຂອງແມ່ຍິງ, ຄວາມສະເໝີພາບຍິງ-ຊາຍ, ການລຶບລ້າງທຸກຮູບແບບການຈຳແນກຕໍ່ແມ່ຍິງ ແລະ ການ ໃຊ້ຄວາມຮຸນແຮງຕໍ່ແມ່ຍິງ ແລະ ເດັກ, ການສົ່ງເສີມ, ການພັດທະນາ, ການປົກປ້ອງ ແລະ ການມີສ່ວນຮ່ວມ ຂອງເດັກ ລວມທັງການປົກປ້ອງສິດ ແລະ ຜົນປະໂຫຍດ ຂອງແມ່ ແລະ ເດັກ ທີ່ຕິດພັນກັບຂະແໜງການຕົນ;

7.  ສ້າງຄວາມເຂັ້ມແຂງ ໃນການຈັດຕັ້ງປະຕິບັດວຽກງານການສົ່ງເສີມຄວາມກ້າວໜ້າຂອງແມ່ຍິງ, ຄວາມສະເໝີພາບຍິງ-ຊາຍ, ການລຶບລ້າງທຸກຮູບແບບການຈຳແນກຕໍ່ແມ່ຍິງ ແລະ ການໃຊ້ຄວາມຮຸນແຮງຕໍ່ແມ່ຍິງ, ແມ່ ແລະ ເດັກ, ການສົ່ງເສີມ, ການພັດທະນາ, ການປົກປ້ອງ ແລະ ການມີສ່ວນຮ່ວມຂອງເດັກ ໃຫ້ ຄກມດ ແລະ ພາກສ່ວນກ່ຽວຂ້ອງໃນຂະແໜງການຕົນ;

8.  ພົວພັນຮ່ວມມືກັບບັນດາອົງການຈັດຕັ້ງສາກົນ, ສປຊ, ສະຖາບັນການເງິນພາຍໃນ, ປະເທດເພື່ອນມິດ, ພາກພື້ນ ແລະ ສາກົນ ເພື່ອໂຄສະນາເຜີຍແຜ່ບົດຮຽນທີ່ດີ, ແລກປ່ຽນບົດຮຽນໃນການຈັດຕັ້ງປະຕິບັດວຽກ ງານຄວາມກ້າວໜ້າຂອງແມ່ຍິງ, ແມ່ ແລະ ເດັກ; ຂົນຂວາຍເອົາການສະໜັບສະໜູນ ແລະ ການຊ່ວຍເຫຼືອ ທາງດ້ານທຶນຮອນ ແລະ ວິຊາການ ເພື່ອນຳໃຊ້ເຂົ້າໃນວຽກງານດັ່ງກ່າວ ພ້ອມທັງສະຫຼຸບລາຍງານໃຫ້ການ ນຳຂັ້ນຂອງຕົນ ແລະ ຄຊກມດ ໃນແຕ່ລະໄລຍະ;

9.  ເຂົ້າຮ່ວມກອງປະຊຸມພາຍໃນ ແລະ ຕ່າງປະເທດ ທີ່ກ່ຽວຂ້ອງກັບການສົ່ງເສີມຄວາມກ້າວໜ້າຂອງແມ່ຍິງ, ຄວາມສະເໝີພາບຍິງ-ຊາຍ, ການລຶບລ້າງທຸກຮູບແບບການຈຳແນກຕໍ່ແມ່ຍິງ ແລະ ການໃຊ້ຄວາມຮຸນແຮງ ຕໍ່ແມ່ຍິງ ແລະ ເດັກ, ການສົ່ງເສີມ, ການພັດທະນາ, ການປົກປ້ອງ ແລະ ການມີສ່ວນຮ່ວມຂອງເດັກ ຕາມ ພາລະບົດບາດ, ໜ້າທີ່ ແລະ ຄວາມຮັບຜິດຊອບ ແລະ ຕາມການມອບໝາຍ; ພ້ອມທັງສະຫຼຸບລາຍງານຜົນ ການຈັດຕັ້ງປະຕິບັດໃຫ້ການນຳຂັ້ນຂອງຕົນ ແລະ ຄຊກມດ ເປັນແຕ່ລະໄລຍະ;

10.  ສະຫຼຸບລາຍງານການເຄື່ອນໄຫວວຽກງານຂອງຄະນະກໍາມາທິການເພື່ອຄວາມກ້າວໜ້າຂອງແມ່ຍິງ, ແມ່ ແລະ ເດັກ ກະຊວງ/ອົງການ ໃຫ້ການນໍາຂັ້ນຂອງຕົນ ແລະ ຄຊກມດ ເປັນປົກກະຕິ;

     11.  ປະຕິບັດໜ້າທີ່ອື່ນຕາມການມອບໝາຍຂອງຂັ້ນເທິງ.

ຂອບເຂດສິດ

ຄະນະກຳມາທິການເພື່ອຄວາມກ້າວໜ້າຂອງແມ່ຍິງ, ແມ່ ແລະ ເດັກ ກະຊວງ/ອົງການ ຂອບເຂດສິດ ດັ່ງນີ້:

1. ອອກຂໍ້ຕົກລົງ, ຄໍາແນະນໍາ ແລະ ແຈ້ງການ ກ່ຽວກັບການສົ່ງເສີມຄວາມກ້າວໜ້າຂອງແມ່ຍິງ, ຄວາມສະເໝີພາບຍິງ-ຊາຍ, ການລົບລ້າງທຸກຮູບແບບການຈຳແນກຕໍ່ແມ່ຍິງ ແລະ ການໃຊ້ຄວາມຮຸນແຮງຕໍ່ແມ່ຍິງ ແລະ ເຕັກ, ການສົ່ງເສີມ, ການພັດທະນາ, ການປົກປ້ອງ ແລະ ການມີສ່ວນຮ່ວມຂອງເດັກ, ສິດ ແລະ ຜົນ ປະໂຫຍດຂອງເດັກ ໃນຂອບເຂດທີ່ຕົນຮັບຜິດຊອບ;

2. ຄົ້ນຄ້ວາ; ປະກອບຄຳເຫັນໃສ່ ນະໂຍບາຍ, ກົດໝາຍ ແລະ ລະບຽບການຕ່າງໆ ຂອງ ຄຊກມດ, ຂໍ້ຕົກລົງ ສອງຝ່າຍ, ຫຼາຍຝ່າຍ; ສົນທິສັນຍາ, ສັນຍາ, ອະນຸສັນຍາ, ຖະແຫຼງການ ແລະ ເອກະສານຕ່າງໆ ຂອງພາກ ພື້ນ ແລະ ສາກົນ ກ່ຽວກັບການສົ່ງເສີມຄວາມກ້າວໜ້າຂອງແມ່ຍິງ, ຄວາມສະເໝີພາບຍິງ-ຊາຍ, ການລຶບ ສ້າງທຸກຮູບແບບການຈໍາແນກຕໍ່ແມ່ຍິງ ແລະ ການໃຊ້ຄວາມຮຸນແຮງຕໍ່ແມ່ຍິງ ແລະ ເດັກ, ການສົ່ງເສີມການ ພັດທະນາ, ການປົກປ້ອງ ແລະ ການມີສ່ວນຮ່ວມຂອງເດັກ, ສິດ ແລະ ຜົນປະໂຫຍດຂອງເດັກ;

3. ເຄື່ອນໄຫວແລກປ່ຽນບົດຮຽນ, ຂໍ້ມູນຂ່າວສານ ກ່ຽວກັບການສົ່ງເສີມຄວາມກ້າວໜ້າຂອງແມ່ຍິງ, ຄວາມ ສະເໝີພາບຍິງ-ຊາຍ, ການສືບສ້າງທຸກຮູບແບບການຈຳແນກຕໍ່ແມ່ຍິງ ແລະ ການໃຊ້ຄວາມຮຸນແຮງຕໍ່ແມ່ຍິງ ແລະ ເດັກ,ການສົ່ງເສີມ, ການພັດທະນາ, ການປົກປ້ອງ ແລະ ການມີສ່ວນຮ່ວມຂອງເດັກ, ສິດ ແລະ ຜົນປະໂຫຍດຂອງເດັກ ຢູ່ພາຍໃນ ແລະ ຕ່າງປະເທດ ທີ່ຕິດພັນກັບພາກສ່ວນຕົນ;

4. ທວງໃຫ້ ພາກສ່ວນກ່ຽວຂ້ອງພາຍໃນຂະແໜງການຕົ້ນ ລາຍງານ ແລະ ສະໜອງຂໍ້ມູນ ກ່ຽວກັບການ ສົ່ງເສີມຄວາມກ້າວໜ້າຂອງ, ຄວາມສະເໝີພາບຍິງ-ຊາຍ, ການລຶບລ້າງທຸກຮູບແບບການຈໍາແນກຕໍ່ແມ່ຍິງ ແລະ ການໃຊ້ຄວາມຮຸນແຮງຕໍ່ແມ່ຍິງ ແລະ ເດັກ, ການສົ່ງເສີມ, ການພັດທະນາ, ການປົກປ້ອງ ແລະ ການມີສ່ວນຮ່ວມຂອງເດັກ, ສິດ ແລະ ຜົນປະໂຫຍດຂອງເດັກ;

5. ເປັນໃຈກາງປະສານສົມທົບ ຊຸກຍູ້ ແລະ, ຕິດຕາມ ພາກສ່ວນທີ່ກ່ຽວຂ້ອງພາຍໃນຂະແໜງການຕົນ ໃນ ການຈັດຕັ້ງປະຕິບັດວຽກງານຕ່ານ ແລະ ສະກັດກັ້ນການໃຊ້ຄວາມຮຸນແຮງຕໍ່ແມ່ຍິງ, ແມ່ ແລະ ເດັກ;

6. ຊີ້ນໍາດ້ານວິຊາການ ກ່ຽວກັບການຈັດຕັ້ງປະຕິບັດລົງເສີມຄວາມກ້າວໜ້າຂອງແມ່ຍິງ, ຄວາມສະເໜີພາບຍິງ-ຊາຍ, ການລົບລ້າງທຸກຮູບແບບການຈໍາແນກຕໍ່ແມ່ຍິງ ແລະ ການໃຊ້ຄວາມຮຸນແຮງຕໍ່ແມ່ຍິງ ແລະ ເດັກ, ການສິ່ງເສີມ ການພັດທະນາ, ການປົກປ້ອງ ແລະ ການມີສ່ວນຮ່ວມຂອງເດັກ, ສິດ ແລະ ຜົນປະໂຫຍດຂອງ ເດັກ;

  7. ຕິດຕາມ, ກວດກາ ການຈັດຕັ້ງປະຕິບັດວຽກງານຂອງ ຄກມດ ກະຊວງ/ອົງການ ຂອງຕົນຕາມພາລະບົດບາດ;

  8. ຈັດກອງປະຊຸມປຶກສາຫາລື ແລະ ແລກປ່ຽນບົດຮຽນ ກ່ຽວກັບການສົ່ງເສີມຄວາມກ້າວໜ້າຂອງແມ່ຍິງ, ຄວາມສະເໝີພາບຍິງ-ຊາຍ, ການລົບລ້າງທຸກຮູບແບບການຈຳແນກຕໍ່ແມ່ຍິງ ແລະ  ການໃຊ້ຄວາມຮຸນແຮງຕໍ່ແມ່ຍິງ ແລະ ເດັກ, ການສົ່ງເສີມການພັດທະນາ, ການປົກປ້ອງ ແລະ ການມີສ່ວນຮ່ວມຂອງເດັກ, ສິດ ແລະ ຜົນປະໂຫຍດຂອງເດັກ ກັບພາກສ່ວນຕ່າງໆທີ່ກ່ຽວຂ້ອງ;

9. ອອກຂໍ້ຕົກລົງ ແຕ່ງຕັ້ງພະນັກງານເຂົ້າຮ່ວມກອງປະຊຸມຢູ່ພາຍໃນ ແລະ ຂໍອະນຸມັດໃຫ້ພະນັກງານເຂົ້າຮ່ວມກອງປະຊຸມຢູ່ຕ່າງປະເທດຕາມລະບຽບການ;

10. ມີຄໍາເຫັນຕໍ່ການບັນຈຸ, ຊັບຊ້ອນ, ແຕ່ງຕັ້ງ, ເລື່ອນຊັ້ນ, ຍົກຍ້າຍໜ້າທີ່, ປົດຕຳແໜ່ງ, ປະຕິບັດວິໄນ, ປະຕິບັດນະໂຍບາຍ ຕໍ່ພະນັກງານ-ລັດຖະກອນຕ່າງໆ ທີ່ຢູ່ໃນຂອບເຂດຄວາມຮັບຜິດຊອບຂອງຕົນ;

11. ພົວພັນ ແລະ ຮ່ວມມືກັບຕ່າງປະເທດ, ພາກພື້ນ ແລະ ສາກົນຕາມການມອບໝາຍຂອງຂັ້ນເທິງຂອງຕົນ;

12. ປະຕິບັດໜ້າທີ່ອື່ນຕາມການມອບໝາຍຂອງຂັ້ນເທິງ.

ໂຄງປະກອບກົງຈັກ

ພະແນກຄວາມກ້າວໜ້າຂອງແມ່ຍິງ, ແມ່ ແລະ ເດັກ ມີພາລະບົດບາດເປັນເສນາທິການໃຫ້ແກ່ ຄະນະກໍາມາທິການເພື່ອຄວາມກ້າວໜ້າຂອງແມ່ຍິງ, ແມ່ ແລະ ເດັກ ກະຊວງ ເພື່ອແນໃສ່ຈັດຕັ້ງປະຕິບັດວຽກງານສົ່ງເສີມຄວາມກ້າວໜ້າຂອງແມ່ຍິງ, ຄວາມສະເໝີພາຍຍິງ-ຊາຍ, ວຽກງານປົກປ້ອງສິດທິຂອງແມ່ຍິງ ແລະ ສິດທິເດັກ ເຂົ້າໃນຂົງເຂດວຽກງານຂອງຂະແໜງເຕັກໂນໂລຊີ ແລະ ການສື່ສານ. ປະຈຸບັນພາຍໃນພະແນກມີພະນັກງານທັງໝົດຈໍານວນ 04 ທ່ານ, ໃນນັ້ນ ມີຫົວໜ້າພະແນກ ຈໍານວນ 01 ທ່ານ, ຮອງຫົວໜ້າພະແນກ ຈຳນວນ 02 ທ່ານ, ວິຊາການ ຈໍານວນ 01 ທ່ານ, ເປັນສະມາຊິກພັກສົມບູນຈໍານວນ 03 ສະຫາຍ, ລະດັບວິຊາສະເພາະ: ຊັ້ນປະລິນຍາໂທ ຈໍານວນ 02 ທ່ານ, ຊັ້ນປະລິນຍາຕີຈໍານວນ 03 ທ່ານ ແລະ ລະ​ດັບ​ທິດ​ສະ​ດີ​ການ​ເມືອງ-ການ​ປົກ​ຄອງ​ຊັ້ນ​ສູງ ຈຳນວນ 01 ທ່ານ, ບໍາລຸງ 45 ວັນ ຈຳນວນ 02 ທ່ານ, ກຳລັງຍົກລະດັບປະລິນຍາໂທ ຈຳນວນ 01 ທ່ານ.

>>ດາວໂຫຼດຂໍ້ຕົກລົງວ່າດ້ວຍການຈັດຕັ້ງ ແລະ ການເຄື່ອນໄຫວຂອງຄະນະກຳມາທິການເພື່ອຄວາມກ້າວໜ້າຂອງແມ່ຍິງ, ແມ່ ແລະ ເດັກ ຂະແໜງການ ແລະ ທ້ອງຖິ່ນ<<